मुंज के अनमोल दोहे

भोलि मुद्धि मा गब्बु करि, पिक्खिवि पुडगु पाईं।

चउदसइं छहुत्तरइं, मुज्जह मयह गंवाईं॥1॥

झाली तुट्टी किं न मुउ, किं न हुएउ छर पुंज।

हिंदइ दोरी बँधीयउ जिम मंकड़ तिम मुंज॥2॥

मुंज भणइ, मुणालवइ! जुब्बण गयुं न झूरि।

जइ सक्कर सय खंड थिय तो इस मीठी चूरि॥3॥

जा मति पच्छइ संपजइ, सा मति पहिली होइ।

मुंज भणइ, मुणालवइ, बिघन न बेढइ कोइ॥4॥

बाह बिछोड़बि जाहि तुहँ, हउँ तेवइँ का दोसु।

हिअयट्ठिय जइ नीसरहि, जाणउँ मुंज सरोसु॥5॥

एउ जम्मु नग्गुहं गिउ, भड़सिरि खग्गु न भग्गु।

तिक्खाँ तुरियँ न माणियाँ, गोरी गली न लग्गु॥6॥

मुंज » मुख्यपृष्ठ » अन्य पृष्ठ: